టాలీవుడ్ సినీ ప్రేక్షకులకు మరో ఆసక్తికరమైన ఫీల్-గుడ్ ఫ్యామిలీ ఎంటర్‌టైనర్‌గా ‘బ్రహ్మ ఆనందం’ రాబోతోంది. ఈ సినిమా ట్రైలర్ విడుదల కాగా, అందులో ఉన్న ఎమోషనల్ కనెక్షన్, హృదయాన్ని హత్తుకునే కథ నెట్టింట చర్చనీయాంశమవుతోంది.
ఈ చిత్రంలో ప్రముఖ హాస్యనటుడు బ్రహ్మానందం ఓ కీలకపాత్రలో కనిపించనుండగా, యువ నటుడు గౌతమ్ ప్రధాన పాత్ర పోషిస్తున్నాడు. తాత-మనవళ్ల బంధాన్ని నడిపించే ఈ కథలో, గౌతమ్ ఒక ఆర్థిక ఇబ్బందులున్న థియేటర్ ఆర్టిస్ట్ పాత్రలో నటిస్తాడు. అతనిని తన మనవడిగా నటించమని బ్రహ్మానందం ఆఫర్ ఇస్తాడు. ఆర్థిక అవసరాల కారణంగా గౌతమ్ ఒప్పుకున్నా, ఆ ప్రయాణం అతనికి అనేక భావోద్వేగాలను మిగిలిస్తుందని ట్రైలర్ ద్వారా స్పష్టమవుతోంది.
‘మళ్లీరావా’, ‘ఏజెంట్ సాయి శ్రీనివాస ఆత్రేయ’, ‘మసూద’ వంటి విభిన్న కథలతో హిట్ సినిమాలు అందించిన స్వధర్మ్ ఎంటర్టైన్మెంట్ బ్యానర్‌పై రాహుల్ యాదవ్ నక్కా నిర్మిస్తున్న ఈ సినిమాకు ఆర్.వి.ఎస్. నిఖిల్ దర్శకత్వం వహిస్తున్నారు.
ట్రైలర్ చూస్తే, సినిమాకు కథాబలం ఎంతగానో ఉందని స్పష్టమవుతోంది. ఫీల్-గుడ్ ఎమోషన్, ఫ్యామిలీ ఎంటర్టైన్మెంట్ మేళవించిన ఈ సినిమా ప్రేక్షకుల హృదయాలను గెలుచుకునే అవకాశం ఉంది. స్వధర్మ్ ఎంటర్టైన్మెంట్ బ్యానర్ నుంచి వస్తున్న సినిమా కావడంతో ‘బ్రహ్మ ఆనందం’పై అంచనాలు మరింత పెరిగాయి.
ఈ చిత్రంలో వెన్నెల కిషోర్, ప్రియ వడ్లమాని, ఐశ్వర్య హోలక్కల్, రాజీవ్ కనకాల, సంపత్ రాజ్, రఘు బాబు కీలక పాత్రల్లో నటిస్తున్నారు. ప్రేమికుల రోజు కానుకగా ఈ సినిమా ఫిబ్రవరి 14న థియేటర్లలో గ్రాండ్ రిలీజ్ కానుంది.
The wait is nearly over! In a few hours, Netflix will begin streaming HIT: The… Read More
Megastar Chiranjeevi, who has won millions of hearts with his exceptional performances over several decades… Read More
Indian actress Shruti Haasan is set to make her international debut as a female lead… Read More
The high-octane action thriller returns to the big screen for an electrifying cinematic experience! Salaar:… Read More
The wait is finally over! The much-anticipated second single 'Kollagottinadhiro' from Powerstar Pawan Kalyan’s upcoming… Read More
Teja Sajja, the rising star of Indian cinema, is all set to redefine the superhero… Read More